MIYERKULES:

“Becks, may papakilala ko sa’yo.”

“O, sino naman yan?”

“Basta friend ko from college. Matatype-an mo ‘to for sure.”

“Weh, masarap ba yan?”

“Gaga, ambastos mo talaga. Pero cute ‘to, maraming nagkakagusto sa kanyang girls. Kaso, boys din gusto niya. O, go na Becks magkikita kami sa Friday, sama ka.”

“Hmpf, alam mo namang wala akong gana sa mga cute-cute na ‘yan. Ang habol ko substance. Saka, baka naman hindi ako matype-an niyan kung sinasabi mong may cult following pala siya.”

“Anukaba, irereto ko ba sa’yo kung hindi kayo okay? Saka ayos na yan, ang cute niyo kaya together. Matagal ko na siyang gusto ipa-meet sa’yo kaya lang galing siya Amsterdam, may workshop.”

“Amsterdam? Hmm… pilitin mo pa ko konti.”

“Friday. Bahala ka sa buhay mo. Basta go.”

“O siya, siya, kailangan ko ba mag-tube?”

“Malandi ka.”

BIYERNES:

“Becks, si—hey san ka pupunta?!

“Shit, pasensiya ka na, medyo weird talaga siya. Balik kami kagad. Daan lang kami sa Quill.

“Uy Mike, what the fuck?!”

“Sige Qmbs, go lang. Umayos ka, nag-abala ko magpaka-manly ngayon.”

“Be back, promise.

“Fuck!”

“Finally! Becks, Mike. Mike, Becks—err… James.”

“Hi. I’ve heard about you…”

“Hello, nice to meet you.”

“Becks, writer to si Mike. Grabe, how long has it been since we last saw each other?”

“I can’t remember.”

“So what do you write about, Mike?”

“Different things. Gay lit.”

“Becks, na-Palanca na ‘to.”

“Ano ka ba Ella…”

“Well, it’s true.”

“Iniignore niya naman ako kanina.”

“Kita mo na, kupal ka kasi.”

“E, I wasn’t ready.”

“So what are you waiting for? Get his number.”

“E, nahihiya ako.”

“Ayos ka Becks a, nahihiya pero naka-abot na yung cellphone.”

“Save?”

“Yep, let me get your last name, medyo OC ako sa phonebook e.”

“Tiongson.

“You wanna join our table?”

“O tara, papakilala kita sa mga orgmates namin nung college.”

“Becks, ano nangyayari bakit di kayo nag-uusap?”

“Qmbs, ano ba naman yung topic, di ko grasp. Pero tingnan mo yung tuhod niya—

“Gaga, wag ka naman pa-obvious.”

“Footsies? Este, kneesies, pala…”

“Namimitig na nga yung kaliwang half ng katawan ko, ayoko kasi gumalaw.”

“Bakla ka talaga.”

SABADO (MADALING-ARAW):

“Becks, ang lupit mo pala.

“Kanina pa kita gusto kausapin kaso busy masyado mukha mo e.”

“Qmbs, marupok ako. Saka wag kang inggitera kung tino-tour namin ang tonsils ng isa’t isa, kasalanan mo ‘to. Grabe ka-weird naman pala nito. Tatawagin daw niya akong Shiela. What the hell?

“He’s asking me to go home with him. What do I do?”

“Umaarte ka pa? E ano bang gusto mo?”

“Siyempre payag ako, ang layo ng Cavite sa Teacher’s Village ‘no.”

“Pinagpaalam ka kaya niya sa akin. Sabi ko tanungin ka niya.”

“Ang galing mo talaga Qmbs. Bugaw na bugaw lang.”

“Sabi ko sa’yo e.”

LUNES:

“Qmbs, ano ba ‘to? Gusto ko na talaga siya.”

“Nasan ka?”

“Dito kila Mike.”

“Ay puta ka, hindi ka pa umuuwi?”

“Gaga, siyempre umuwi na. Kumuha lang ako ng damit tapos bumalik na ako dito. Para lang kaming nag-live in, ganun.”

“Nasan siya?”

“Pumasok na. Ang cute nga e, may ritwal talaga kami kanina. Iwan ako dito sa bahay niya mag-isa. Mamaya pa kasi pasok e. Nakahiga lang ako sa kama, inaamoy ko yung damit niya kanina.”

“Yuck, parang stalker lang.”

“Ang plastic mo, parang wala akong nakitang panty sa bag mo nung isang beses a.”

“Gago akin yun.”

“Lace?! Sinong ginago mo?

“O, ano na? Palagay mo ba magiging okay talaga kami?”

“E okay naman kayo a. Ang cute niyo kaya together. Tapos parang ang sweet niyo. I can sense something there. Or…”

“Anong ‘or’?”

“Baka gawin ka niyang musa.”

“Musa?”

“You know… inspiration.”

“Gaga, alam ko yun. Bakit niya kailangan ng musa?”

“E may sinusulat yata siya.”

“Hala, never pa ko naging muse before. Laging PRO in English lang.”

MIYERKULES:

“Ella…”

“Hello? James? Becks, serious ba tayo today? Di ko natanggap yung memo. Anong meron? Kumusta kayo ni Mike?”

“Ewan ko. Ang labo nga e.”

“Panong malabo, e nung isang araw lang parang lasing na lasing ka sa saya.”

“Nag-usap kami kagabi. Sabi niya magkaron daw kami ng agreement.”

“Kayo na?”

“Gaga, ano ka ba, you’re not helping.”

“Sorry na… sige, go.”

“Sabi niya, starting on Friday, we’ll pretend like this never happened, that we never met.

“Pu-tang-ina Kyombol, anong klaseng game ba ‘yan?”  

“Oh, fuuuuuuuuuuuuuuuckkk… Tarantado talaga yang si Mike.

“O, anong sabi mo?”

“E ano bang dapat sabihin? Siyempre nag-agree ako. Ayaw niya sa akin, gagaguhin ko ba yung sarili ko?”

“So pano ka ngayon? Umuwi ka na?”

“Andito pa rin. Anukaba, Wednesday pa lang…”

“Hala, adik ka talaga. Okay ka lang?”

“Sabi niya, from now until Friday, gawin daw namin ang lahat ng masasayang bagay na gusto namin gawin together. Parang mamamatay lang.”

“Becks, I think you just became a muse.”

“I know. Nakita mo yung sash ko? Best Muse sa liga ng mga tanga. Tangina Qmbs, I don’t know what to feel. I’ve been crying ever since, para akong may hormonal imbalance.”

“I’m sorry Becks.

“Mike must still be hurting. I don’t know. Tumatakbo kasi siya, kailangan niya lang siguro ng magpapatigil sa kanya.”

“Haay, maganda lang ako Qmbs, hindi ako superhero.”

“Kaya ka nananalong Best Muse e.”

Advertisements